PM Narendra Modi Shayari karte hue. Narendra Modi ji ne Nida Fazali ki likhi hui Safar mein dhoop to hogi – Kavita (Poem) Rajya Sabha mein kuch is tarah sunaya.
Kavita ke Pure bol kuch is tarah hai.
Safar mein dhoop to hogi jo chal sako to chalo
Sabhi hai bheed mein tum bhi nikal sako to chalo
Idhar udhar kai manzil hai chal sako to chalo
Bane banaye hain sanche jo dhal sako to chalo
Kisi ke waste raahein kahan badalti hain
Tum apne aap ko khud hi badal sako to chalo
Yahan kisi ko koi rasta nahin deta
Mujhe gira ke agar tum sambhal sako to chalo
Yahi hai zindagi kuchh khwab chand ummidein
Inhin khilono se tum bhi bahal sako to chalo
Har ik safar ko hai mahfoos raston ki talash
Hifajton ki rivayat badal sako to chalo
Kahin nahin koi sooraj, dhuan dhuan hai fiza
Khud apne aap se bahar nikal sako to chalo
Video mein aap dekh sakte hai PM Narendra Modi ji ka Shayarana Andaaj
To Der kis baat ki ? Narendra Modi ji ka Shayarana Andaaj pasand aaya ho to share karein.
